心酸酸

日據時期創作歌謠　　傳 唱 年 代:1936

作曲：姚讚福（Iâu Chàn-hok）

作詞：陳達儒（Tân Ta̍t-jû）　

我君離開千里遠　góa kun lī-khui chhian-lí hn̄g

放阮孤單守家門　pàng gún ko͘-toaⁿ siú ke-mn̂g

袂食袂睏跤手軟　bōe chiah bōe khùn kha-chhiú nńg

暝日思君心酸酸　mî-ji̍t su kun sim sng-sng

無疑一去無倒轉　bô-gî chi̍t khì bô tò-tńg

辜負青春暝日長　ko͘-hū chheng-chun mî-ji̍t tn̂g

連批連信煞來斷　liân phoe liân sìn soah lâi tn̄g

予阮等無心酸酸　hō͘ gún tán bô sim sng-sng

一時變心袂按算　chi̍t-sî piàn-sim bōe àn-sǹg

秋風慘淡草木黃　chhiu-hong chhám-tām chháu-bo̍k n̂g

風冷情冷是無秧　hong léng chêng léng sī bô ng

光景引阮心酸酸　kong-kéng ín gún sim sng-sng